PLAN DE RECUPERACIÓN DO TERCEIRO TRIMESTRE DO CURSO 2019-2020

Ante o paso a 2º EP, e tendo en conta as aprendizaxes imprescindibles non adquiridas por mor da alerta sanitaria, realizaremos un "Plan de recuperación" que se levará a cabo ao inicio do curso 2020-2021, desenvolvendo os contidos non acadados no terceiro trimestre do curso 2019-2020 nas diferentes materias.

Por iso é necesario que a principio de curso alumnas e alumnos traian os libros de matemáticas e lingua castelá do terceiro trimestre para poder traballar os temas pendentes.

O terceiro trimestre desenvolvímolo con propostas dixitais mediante o blog de 1º “Primeiros Pasos”e baseouse en actividades de reforzo, repaso e ampliación dos contidos dados na 1ª e 2ª avaliación, seguindo a "Adaptación da programación didáctica do curso 2019-2020". ( Ver na cabeceira do blog)

Polo tanto, e tendo en conta a nova programación didáctica para o terceiro trimestre, os temas e contidos que trataremos no plan de recuperación por competencias, serán os que non se diron ou que requiren un repaso, como é o caso da competencia lingüística.

Competencia lingüística

-Singular e plural (repasarémolo)
-Verbos e tempos verbais (repasarémolo)

Competencia matemática e competencias básicas en ciencia e tecnoloxía

-Función e valor das diferentes moedas e billetes
-A suma con levada
-Representacións gráficas básicas
-Ferramentas e máquinas
-Descubrimentos e inventos

Competencias sociais e cívicas

-Os medios de transporte
-O paso do tempo