FESTIVAL DE NADAL 2022 DE 2º DE PRIMARIA

Despois de tantos ensaios e preparacións previas, chegou o día da nosa actuación de Nadal. Todos e todas estivemos moi nerviosos pero á vez moi ilusionados por poder compartir o noso traballo destas últimas semanas con todos vós. A continuación deixámosvos unha recompilación de fotos e vídeos deste día tan especial, agardando que vos guste!!!

Finalmente desexarvos, da nosa parte e das nosas mestras Graci e Claudia, un BO NADAL E FELIZ 2023!!!

              

PREPARANDO EN 2º O NADAL 2022 (2)

 Ao longo deste mes de decembro os nenos e nenas de segundo traballamos o Nadal de diferentes formas: realizando manualidades relacionadas con estas datas, decorando as aulas e mailo corredor e preparando a canción "Este planeta é divertido" de Magín Blanco, para o festival do colexio.

 Pasámolo moi ben argallando todo!!!

REPASO DE RESTAS CON LEVADA

Aquí vos deixamos tres vídeos cos métodos de resta que fomos aprendendo en clase, para que repasedes as restas con levada. Tamén tedes dous cadernos para imprimir con restas de ata 3 cifras. 

 

EN 2º "UNÍMONOS" AO 25N

No 25 de Novembro, data en que conmemoramos o "Día Contra a a Violencia de Xénero", lembramos sempre que a discriminación das mulleres e a violencia machista, son un problema que traspasa fronteiras e que está presente na maior parte dos países do mundo, coa particularidade de que as vivencias do maltrato son enormemente parecidas en todos os lugares e culturas. Temos que comprometernos con eliminar os micromachismos, que son fórmulas de violencia cotiá e facer unha educación coeducativa, na escola e na casa, que traballe para que esa violencia tan sutil, que resulta invisible, pero que reflicte as actitudes machistas presentes na sociedade, elimine a violencia de xénero. Saber identificalos é fundamental para combatelos!! 

No noso colexio nesta ocasión traballamos con "UNÍMONOS" e fixemos uns carteis destacando esta data e unhas pulseiras moradas que resaltan a nosa forza para traballar por unha sociedade en igualdade. 

Seguidamente podedes ver un vídeo da famosa canción de: "Déjame" que alumnado e profesorado, bailamos ao ritmo de "Los Secretos" e un traballo feito pola Biblioteca para ilustrar esta data tan importante.

         

PREPARANDO EN 2º O NADAL 2022

Xa pronto chega o Nadal e en 2º eliximos unha canción de Magín Blanco, "Este Planeta é Divertido" que se ben non é unha panxoliña navideña, destaca a importancia de vivir xuntos, respectar o medio ambiente e aos animais. Nada máis acertado para o noso proxecto anual, que tanto nos gusta, viaxar cos animais por diferentes países de Europa (2ºA) e América (2ºB).

 É importante que nenos e nenas vaian practicando a canción!!! A letra deixámola seguidamente.

Respecto á vestimenta para  actuación, todas e todos levarán roupa branca:  xersei branco e pantalón ou medias brancas, bufanda vermella e na cabeza diadema con cornos de reno, preferentemente vermellos, pero se xa tedes doutras cores, tamén valen. O calzado é convinte que sexa branco ou dalgunha cor clara, intentando unificar a todo o grupo. 

Grazas pola vosa colaboración!!!

             

VISITA DE 2º AO AQUARIUM FINISTERRAE DE A CORUÑA 2022

A visita ao Aquarium Finisterrae, un dos museos científicos de A Coruña, que presenta numerosas especies mariñas á beira do Atlántico e do faro A Torre de Hércules, foi unha experiencia marabillosa!!! Participamos 1º e 2º de Primaria, dentro do Proxecto que traballamos este curso: "COUCEIRISTAS POLO MUNDO". No primeiro ciclo facemos a nosa viaxe da man dos diferentes animais dos continentes que traballamos: Europa para os de 2ºA e América para os de 2ºB.

Entramos no Nautilius do Capitán Nemo, nadamos  coa quenlla Gastón e vimos comer ás focas. 

Xa nos tarda volver!!!!