21.6.21

REMATAMOS 2º DE PRIMARIA

Despois dun longo curso no que os nenos e nenas se esforzaron máis ca nunca, podemos dicir que todo o alumnado superou con éxito o curso!

Traballaron arreo desde o comezo tratando de mellorar día a día, adquirindo novos coñecementos e descubrindo novos contidos

Pero sen embargo, este ano a felicitación debe ser dobre, debido a que superaron dificultades que complicaron todo o proceso: aprendizaxe virtual, distanciamento co resto de compañeiros, uso da mascarilla… 

Por todo iso, dámoslles parabéns a todos eles e animámolos a que gozen ao máximo deste verán.

Boas vacacións!!!




10.6.21

SAÍDA A PRAIA DA MAGDALENA

 Como cada ano nestas datas, o alumnado do Couceiro fixo unha saída ás praias próximas ao colexio para pasar unha mañá xuntos construíndo castelos de area. 

Ataviados con cubos, anciños e palas deron o mellor de si mesmos para crear castelos e outras edificacións moi logradas.

Cada un dos grupos planificou como ía ser a súa construción: castelos, torres, pontes, murallas, fosos… e decoráronas con cunchas, algas, paus de madeira, bandeiras ou mesmo con guerreiros que se encargaban de defender a fortaleza.

Nesta ocasión, por mor da pandemia, non se puido facer ningún concurso, sen embargo, iso non impediu que os nenos e nenas gozaran dun día na praia traballando en equipo.

A continuación, amósanse as imaxes de como foi a xornada.


































24.5.21

PDI: PONTEDEUME, A NOSA VILA

Con motivo da celebración dos 750 anos da fundación de Pontedeume, o PDI deste ano está dedicado ao coñecemento da historia da nosa vila.

MAPA PARROQUIAS

Como punto de partida, os nenos e nenas elaboraron un mapa do concello onde situaron cada unha das sete parroquias que o conforman.






SOPA DE LETRAS

Cando xa tiñan identificadas cada unha das parroquias, buscáronas nunha sopa de letras.






RECEITAS GALEGAS

Co obxectivo de seguir achegando o alumado á cultura e ao patrimonio do concello, realizaron unha receita de comidas e postres típicos da cociña eumesa ou galega. Descubrimos que a nosa gastronomía é moi variada!







ANIMAIS DO ESCUDO

Cando fíxemos a saída pola vila, a guía turística explicounos os elementos que había nos escudos importantes das fachadas dos diferentes edificios.

Se nos centramos no escudo de Pontedeume, uns dos elementos máis importantes que aparecen nel son os animais. O xabarín e o oso son os animais máis representativos da vila, polo que o alumnado elaborou unha ficha informativa coas características máis importantes de cada un deles. 





ESCUDOS

Con todo o aprendido ao longo destas semanas, os nenos e nenas crearon o seu propio escudo, dándolle significado a cada un dos seus apelidos. Ollade o resultado final!








Este foi todo o traballo que realizaron os nenos e nenas de 2º de primaria. Pero aínda quedan por descubrir moitos recunchos e moitas historias de Pontedeume!