TEMA 11 DE "XUNTOS" (LINGUA, CIENCIAS DA NATUREZA E CIENCIAS SOCIAIS): 3ª PARTE

A Tarefa Competencial que imos traballar neste tema é: "A auga é un ben prezado é fráxil" que ten como finalidade facer reflexionar ao alumnado sobre o consumo da auga e a necesidade de non malgastala.

LECTURA E COMPRENSIÓN LECTORA

-Lectura: "Para que usamos a auga?", esta actividade podela contestar oralmente, e "Protexamos a auga!".

Vocabulario

• Billa: grifo

- Ademais dos usos da auga que pon na lámina, di para que máis se pode usar?

COMPRENSIÓN E EXPRESIÓN ESCRITA
-Le os fragmentos deste suceso que están desordenados.

1.- A continuación cópiaas no teu caderno de forma ordenada seguindo a orde das viñetas.

2.- Observa a lámina e completa no teu caderno a actividade de abaixo con estas palabras: soleado, longa, azul, de cores, riquísimo.

-A ringleira de formigas é _____________________

-Hai moitas bolboretas________________________

-As abellas fan un mel________________________

-O día está_____________ e o ceo______________

3.- Facer a ficha que tedes fotocopiada, correspondente ao Tema 11: ficha AV.

4.- Ditado

-A profesora observa como aprendemos.
-O iogur está azucrado.

Vocabulario

• Observa: mira.
• Azucrado: doce (dulce).

EXPRESIÓN ORAL
-Resolve oralmente as seguintes actividades:

1.- Completa.

-As plantas toman o alimento polas____________

-As plantas respiran polas___________________

2.- Di que parte da planta son os seguintes debuxos.

3.- Observa e explica porque o carballo é unha árbore.

4.- Debuxa no caderno as árbores e complétaas segundo a estación do ano que se indica. 

 VÍDEOS:

Vídeos sobre utilidades e curiosidades das plantas.

Vídeos sobre o tempo atmosférico e a diferencia entre tempo e clima.

TEMA 11 DE "XUNTOS" (LINGUA, CIENCIAS DA NATUREZA E CIENCIAS SOCIAIS): 2ª PARTE

LECTURA E COMPRENSIÓN LECTORA

Lectura do conto: "A pega e o lobo". 

Na fraga do Vicaño, Na pola máis alta do grande carballo tiñan o seu niño unha pega e as sete peguiñas. Alí vivían felices ata que un día chegou un lobo grande coma un mundo e máis malo có demo. E como o lobo cheirara as peguiñas, achegouse onda o carballo e berrou con todas as forzas:

-Peguiña deste pegal, dásme unha peguiña?, dás?

-Non che darei non, que as miñas peguiñas miñas son.

-Escarrapíchate meu rabo e tira con este carballo!!!

Así ouveou o malvado lobo mentres abaneaba a árbore con toda a súa forza, ata que a pega moi asustada botoulle unha peguiña que o lobo papou dun bocado antes de que caera ao chan e logo marchou para a súa cova.

Pero ao día seguinte o conto volveuse a repetir.

-Peguiña deste pegal, dásme unha peguiña?, dás?

-Non che darei non, que as miñas peguiñas, miñas son.

-Escarrapíchate meu rabo e tira con este carballo!!!

E así cada día ata que no niño só quedaba unha peguiña.

Pero naquela ocasión cando o lobo volveu a fraga, de detrás do carballo saíu o leñador que o estaba agardando cun caxato na man e que bateu no lombo e no bandullo do animal ata que saíron para fora as peguiñas que marcharon voando para o seu niño, e o lobo doente liscou a todo correr e nunca máis voltou polo Vicaño.

-Vocabulario:

• Pega: urraca (pájaro).
• Fraga: Monte con moita vexetación.
• Carballo: roble (árbol).
• Niño: nido.
• Demo: demonio.
• Cheirara: había olido.
• Achegouse: se acercó.
• Ouveou: aulló.
• Papou: comió.
• Caxato: bastón
• Lombo: espalda.
• Bandullo: barriga.
• Liscou: marchó.

1.- Responde oralmente as seguintes preguntas.

-Como se chama a árbore onde ten o niño a pega?

-Como era o lobo?

-Como se chama a fraga?

-Quen saíu de detrás do carballo e que levaba na man?

COMPRENSIÓN E EXPRESIÓN ESCRITA
1.- Copia e fai un debuxo do poema " A primavera xa chegou" de Abel Caballero 

A primavera xa chegou,

marcha o frío, chega o sol,

as flores van espertar

e as paisaxes debuxar.

Xa chegou, déixate levar.

Sínteo e ven gozar.

Os ríos e montes cantarán,

os días máis longos notarás,

sinte a brisa ao pasear

co seu perfuma natural.

Xa chegou, déixate levar.

Sínteo e ven gozar.

2.- Copia no teu caderno as palabras como están nas nubes e despois as relacionas.

3.- Facer as fichas que xa tedes fotocopiadas, correspondente ao Tema 11 de Xuntos: ficha R e ficha A.

4.-  Ditado.
-A princesa vivía nunha choupana.
-O cabaleiro loita co dragón.
-Na festa xuntouse toda a familia.

-Vocabulario

• Choupana: cabana.
• Loita: pelexa (pelea).
• Xuntouse: reuniuse.

EXPRESIÓN ORAL
1.-Observa a seguinte lámina, onde fala sobre o tipos de plantas.

2.- Fíxate nos talos destas plantas e dí cal deles é unha arbore, un arbusto ou unha herba.

3.- Relaciona cada tipo de árbore co seu tronco.

4.-Na seguinte lámina vas aprender cales son as estacións do ano e as súas características.

5.- Le e dí oralmente cal e verdadeiro ou falso.

VÍDEOS:

Vídeos sobre as partes e os tipos de plantas.

Vídeos sobre o tempo atmósferico e as estacións do ano.

TEMA 11 DE "XUNTOS" (LINGUA, CIENCIAS DA NATUREZA E CIENCIAS SOCIAIS): 1ª PARTE

Esta semana comezaremos o tema 11
A través das diferentes actividades, preténdese que os alumnos e as alumnas adquiran os seguintes coñecementos:

Os obxectivos que se pretenden nesta unidade son:

· Escoitar e comprender un conto de forma oral.

· Ler e escribir textos con correción e responder axeitadamente as cuestións que se propoñen.

· Memorizar o abecedario e aprender a norma ortográfica que rexe o uso de "mp" e "mb". 

· Recoñecer as plantas como seres vivos.

· Distinguir as partes dunha planta a as súas características.

· Coñecer como nace unha planta.

· Coñecer os nomes dalgúns tipos de plantas.

·Identificar e describir os fenómenos meteorolóxicos que se producen no seu ámbito máis próximo.

· Coñecer e diferenciar as características de cada estación do ano.

LECTURA E COMPRENSIÓN LECTORA

Lectura de: "As bolboretas e a primavera".

Vocabulario:

• Algarabía: alboroto.
• Buraco: agujero.
• Calado: silencio.
• Orballo: llovizna.
• Trasno: duende.
• Cunca: taza.
• Gromos: brotes
• Espreguízase: estírase.

-Para a comprensión da lectura, di oralmente cal é a resposta correcta.

COMPRENSIÓN E EXPRESIÓN ESCRITA
Fai as seguintes actividades que te poñemos.
1.- Aprende o abecedario en galego e escríbeo no caderno.

2.- Aprende a seguinte regra.

3.- Escribe no caderno os nomes dos seguintes debuxos atendendo a regra que aprendiches.

4.- Agora vas a escribir no caderno o nome dos meses que leven mb.

4.- Ditado.
-O neno ten o pelo longo.
-Xa é a hora de xantar.
-O mago vive no cume da montaña.

EXPRESIÓN ORAL
-Observa a seguinte lámina, onde falan das plantas como seres vivos.

1.- Na seguinte secuencia, ordénaa e comenta oralmente cada paso.

2.- Fai un debuxo, no caderno ou nun folio, dunha planta e ponlle os nomes das súas partes.

-Agora observa está lámina, onde explica como sabemos o tempo que vai.

3.- Mira as dúas fotos e despois de ler as tres frases que hai en cada unha, di cal lle corresponde a cada imaxe.

VÍDEOS
Vídeos sobre as partes dunha planta.

Vídeos sobre o tempo atmosférico.

LL

TEMA 10 DE "XUNTOS"(LINGUA, CIENCIAS DA NATUREZA E CIENCIAS SOCIAIS): REPASO DO SEGUNDO TRIMESTRE

Esta semana continuamos coa Tarefa Competencial : “As nosas árbores” e actividades do Repaso do segundo trimestre.

LECTURA E COMPRENSIÓN LECTORA:
Lectura sobre as árbores.
1º.- Le e falade sobre o coidado da natureza.

"AS NOSAS ÁRBORES"

Vocabulario:

• Ergueito: derecho.
• Carballo: roble.
• Landras: bellotas.
• Loureiro: laurel.
• Arrecende: huele.
• Cheiran: huelen.
• Espichan: Mueren.

- Facer un debuxo dunha árbore e elixir un lema para o "Día da Árbore e a Poesía". 

COMPRENSIÓN E EXPRESIÓN ESCRITA:
Fai os exercicios que te poñemos seguidamente:

1-.Completa no caderno as palabras da marxe dereita que están na cor amarela.

2º.- Ditado.

-O barco de Brais navega polo mar.
-Iremos a Praga a próxima primavera.
-Tes as frechas flotando no estanque.
-O dragón trouxo unha morea de trastos. 

3º.- Copia e completa no teu caderno a  seguinte descrición.

4-. Facer a ficha que xa tedes fotocopiada, correspondente ao Tema 10 de Xuntos: Ficha AV

EXPRESIÓN ORAL:

Resolve oralmente as seguintes actividades.
1º.- Le e di cales son os nomes dos animais mariños que non son peixes.

2º.- Di onde colocarías o nome de cada animal?

3º.- Completa oralmente a seguinte actividade.

VIDEOS:

TEMA 10 DE "XUNTOS" (LINGUA, CIENCIAS DA NATUREZA E CIENCIAS SOCIAIS): 3ª PARTE

LECTURA E COMPRENSIÓN LECTORA:
Lectura de tres noticias. Le e comenta de que trata cada noticia e despois di que título dos que están abaixo corresponde a cada unha .

Vocabulario:
Congreso: reunión

COMPRENSIÓN E EXPRESIÓN ESCRITA:
Fai os exercicios que te poñemos seguidamente:

1-. Facer as fichas que xa tedes fotocopiadas, correspondentes ao Tema 10 de Xuntos: fichas de reforzo e ampliación.


2-.Copia nun caderno a poesía de Mª I. Fuentes. Despois fai un debuxo e fixate ben que bechiños aparecen na lectura.

"Pequenos bechiños" 

Pequenos bechiños

hai pola horta:

avespas e grilos,

cubertos de terra,

arañas que tecen

con moito traballo,

lindas bolboretas

e formigas en ringleira…

Que coas miñas miguiñas

fan unha festa! 

Vocabulario:

• bechiños: animales pequeños (insectos). 
• horta: huerta.
• tecen: tejen (hacen una tela).
• ringleira: fila.
• Miguiña: trozo pequeño de pan.

3-.Ditados:

1. A visita ao planetario foi incrible.
2. Onte fomos con Crisanto coller croios á praia de Coído.
3. En Inglaterra fálase inglés.
4. O gladiador loitaba no circo.

Vocabulario:
croios: piedras
loitaba: luchaba

EXPRESIÓN ORAL:

Aquí tes unha serie de exercicios orais para comentar en familia:

1-.Observa a seguinte lámina, as palabras escritas son nomes. Fai oralmente frases con cada unha delas.

2-.Con cada un destes nomes: nena, can e nube fai oralmente dúas frases.


3-.Observa esta outra lámina, nela falan das características dos réptiles. Le e despois comenta oralmente as preguntas de máis abaixo.

Preguntas:

• De que teñen cuberto o corpo os réptiles?
• Que outros animais teñen escamas?
• Repite o nome dos cinco réptiles da lámina.
• Como se desprazan?
• Os reptiles nacen de_______

4-. Le os datos da seguinte lámina, e contesta (verdadeiro ou falso) ás preguntas de máis abaixo.

Verdadeiro ou Falso?:

• O sol danos calor. (V/F)
• Todos os seres vivos necesitan a luz do sol. (V/F)
• A lúa sae ao amencer. (V/F)
• Ao mediodía o sol está moi alto. (V/F)
• As plantas poden vivir sen sol. (V/F)
• Polas noites brilan as estrelas. (V/F)

5-.Pensa, reflexiona e comenta que sucedería cos seres vivos se se apagase o sol.

VÍDEOS:

TEMA 10 DE XUNTOS ( LINGUA-C.DA NATUREZA E CIENCIAS SOCIAIS): 2ª PARTE

Esta semana continuamos  co Tema 10

LECTURA E COMPRENSIÓN LECTORA:

 «Astronauta semanal» é do libro "Poemas con piruletra" de Carlos Fontes. O poema serve para repasar  os días da semana e aprender os planetas. Despois da lectura, memoriza este poema tan divertido.

COMPRENSIÓN E EXPRESIÓN ESCRITA:
Copia nun caderno e responde os seguintes exercicios:

 1-.Indica si é verdadeiro (V) ou falso (F)

O astronauta:

• Saíu do planeta Terra.       _____
• Vaí en helicóptero.            _____
• Viaxa en nave espacial.     _____
• Fai unha viaxe mensual.   _____

2-.Elixe, completa e, despois contesta.

ósos - seis - ovos - antenas

A xoaniña ten _____________ patas e dúas ____________ e nace dun ______________.
Non ten______________.

Ditados:

1. Na clase de música tocan o clarinete.
2. Vou en bicicleta coas chancletas negras.
3. Ponlle a crema a Cristina.
4. Carlos non quere azucre no café.

EXPRESIÓN ORAL:

Observa a seguinte lámina, onde falan das partes e características dos insectos, e estuda os seus datos. Despois comenta o aprendido e fai un conto oral no que interveñan diferentes insectos.

 Esfórzate, que ti podes!!

Le e pregunta a túa familia se saben estas adiviñas:

Son negra como o carbón
e sempre camiño en fila.
Recollo grans de trigo
e a min chámanme a…
 (A formiga)

Zumba que zumbarás,
van e veñen sen descanso,
de flor en flor trasfegando
e a nosa vida adozando.
(As abellas)

Cal é o único animal
que camiña cos pés
na cabeza?
(O piollo)

Para rematar, le os datos da seguinte lámina, e comenta a pregunta de máis abaixo.

Obseva estas dúas imaxes e contesta oralmente onde cres que está máis limpo o aire e por que.

VÍDEOS:

TEMA 10 DE XUNTOS ( LINGUA-C.DA NATUREZA E CIENCIAS SOCIAIS): TAREFA COMPETENCIAL

Os obxectivos que se pretenden nesta unidade son:

· Escoitar e comprender un poema de forma oral.

· Ler e escribir textos breves formados cos grupos consonánticos estudados (cr, cl, gr, gl) e responder axeitadamente as preguntas de comprensión lectora.

· Interiorizar, de forma non teórica, o concepto do nome.

· Coñecer as principais características dos animais en perigo de extinción.

· Coñecer as principais características dos réptiles e dos insectos.

· Identificar algunhas características do aire e a auga e os prexuízos da contaminación.

· Coñecer nocións básicas sobre o sol, a lúa, as estrelas e a Terra.

· Diferenciar entre o día e a noite.

Iniciaremos este tema 10 mediante a Tarefa Competencial. "Animais en Perigo"

Esa tarefa céntrase nos animais en perigo de extinción e na actitude que debemos inculcarlles aos pequenos  e pequenas, para que repecten o seu hábitat e forma de vida. 

LECTURA E COMPRENSIÓN LECTORA:
Le e fai un debuxo do poema:

Unha dúas e tres
eu salto as ondas
con só un pé.

O sol polas tardes
xa non é amarelo,
reloce brillante,
no medio do ceo.

O mar coas ondas
convídao a xogar,
e el pouquiño a pouco
acóchase no mar

Búscano as ondas,
agora van, agora veñen,
coa brisa xogando,
tamén se entreteñen.

Eu sigo na beira
e xogo tamén,
saltando nas ondas
con só nun pé.

Vocabulario:

• ondas: olas
• reloce: reluce
• acóchase: escóndese

COMPRENSIÓN E EXPRESIÓN ESCRITA:
Copia o seguinte texto no caderno e contesta ás preguntas:

Nome:_________________________________
Como é?:______________________________ 
Aliméntase de:__________________________
Reprodúcese por: _____________________   _

Vocabulario:

• acocho: escondite
• pintas: manchas

EXPRESIÓN ORAL:
A seguinte actividade facedea oralmente, comentando que pasou co golfiño:

VIDEOS:
Mira estes vídeos de animais en perigo de extinción e da natureza.

TEMA 9 DE "XUNTOS" (LINGUA-C.DA NATUREZA-C.SOCIAIS) : FICHAS

Esta semana continuaremos co tema 9 mediante fichas de repaso do xa aprendido.

 LECTURA E COMPRENSIÓN LECTORA:

Le este poema e estuda o vocabulario. Fai un debuxo dunha quenlla seguindo o vídeo

A quenlla vai ao dentista

Á consulta do dentista,
chegou coxeando unha quenlla,
porque hai máis de tres días,
que sofre unha dor tremenda.
—Sente —dixo o dentista—
e deixe aquí o bastón,
abra moi grande a boca
e non a peche por favor!
O dentista tremeu de medo
cando a quenlla abriu a boca,
pensando que pasaría
se espirra con forza.
—Non se asuste, bo dentista
—dixo a quenlla sorrindo.
Que se como un doutor
dóeme o bandulliño.

Vocabulario:

• quenlla: tiburón. 
• dor: dolor
• tremeu : tembló
• espirra: estornuda
• bandulliño: estómago

COMPRENSIÓN E EXPRESIÓN ESCRITA:

Ditado:

 Disfruta da natureza e mergúllate nela, pero deixa todo como estaba antes de ti chegares.

 FICHAS:

Para facer as fichas, repasade os vídeos e as actividades que fixemos nas semanas anteriores. Tamén consultade o vídeo que aparece seguidamente, para lembrar a separación das sílabas que xa temos estudado en clase.

VÍDEO:

TEMA 9 DE "XUNTOS" (LINGUA-C.DA NATUREZA-C.SOCIAIS)

TEMA 9 DE "XUNTOS" (LINGUA-C.DA NATUREZA-C.SOCIAIS)

Os obxectivos que se pretenden nesta unidade son:
• Escoitar e comprender un conto de forma oral.
• Ler e escribir textos breves formados cos grupos consonánticos estudados e responder axeitadamente ás preguntas de comprensión lectora.
• Distinguir entre sílabas e palabras.
• Coñecer as características principais dos peixes e anfibios.
• Comprender a transformación do cágado en ra.
• Aprender a distribución da auga na Terra: mares e océanos.
• Identificar as características e estados da auga.
• Coñecer a importancia da auga para o uso e consumo diario

 LECTURA E COMPRENSIÓN LECTORA:

A Maruxaina

Conta a lenda que… A Maruxaina é unha serea loura, metade peixe, metade muller… Vive nunha cova nas illas Farallóns, entre percebes e mexillóns.

Nos días de temporal toca o corno… uns din que para avisar os mariñeiros do perigo, outros din que é para enganalos e facelos naufragar…

En agosto celébrase unha festa na súa honra. Coas luces da vila apagadas, os homes van ao mar buscar a Maruxaina, facendo soar cornos e bucinas para non escoitar o canto da serea.

Lenda popular galega  

Podes ver máis en "Galicia Espallada"  https://galicia.swred.com/lendas_sreas_marinha.htm

COMPRENSIÓN E EXPRESIÓN ESCRITA:

DITADOS:

 1-Na fraga vai frío. As framboesas están no frigorífico. Flavia recolle as flores no parque. Non me gusta moito o flan. É falso que Alfredo estea enfermo.

2- A miña madriña tróuxome un edredón. Ao dragón gustáballe o azucre. Meu padriño di que non paro de medrar. Viches o trasno que chegou no tren? Merquei un traxe e tres garabatas.

VÍDEOS:




  FICHAS: 
(Para imprimir)
 

TEMA 8 DE "XUNTOS" (LINGUA-C.DA NATUREZA-C.SOCIAIS)

Os obxectivos que se pretende nesta unidade son:
• Escoitar e comprender un conto de forma oral.
• Escribir con corrección os grupos consonánticos: br, bl, pr, pl, que xa traballamos en Lingua Castelá
• Ler  pequenas frases e textos e responder axeitadamente ás preguntas de comprensión lectora.
• Facer, de forma oral ou escrita, unha descrición dun obxecto.
• Identificar algunhas aves e describir as súas características.
• Coñecer o proceso de incubación das aves.
• Coñecer e valorar algunhas normas sociais básicas de convivencia.
• Valorar o coidado do contorno como un ben común

Seguidamente compartimos a lectura do tema para practicar na casa, adicada a Xosé Neira Vilas e tamén uns vídeos  de interese:

O Espantallo amigo

 O tío Ramón ten unha figueira ao pé da casa. É a maior figueira da aldea. A que dá mellores figos. Pero o ano pasado deron con ela os merlos. Son paxaros moi teimosos. O tío Ramón, que é velliño e sábeas todas, unha mañá ollou para os merlos e dixo, abaneando a cabeza: —Xa está ben de tanto amolar. Acabouse a festa, ides ver. Dito e feito, colleu dous paus e atounos en forma de cruz. Aquel esqueleto, foino cubrindo de palla. Colleu un melón para a cabeza. Pero, antes de poñerlla fíxolle dous buratos para os ollos e un para a boca. No lugar de cada ollo colocoulle unha cereixa. E entre a palla do peito colocoulle un pexego. Despois vestiuno cunha chaqueta e cun pantalón remendado, unha pucha e calzouno cun par de zocos vellos. Así naceu o Espantallo. De lonxe, semellaba un home. Colleuno e púxoo na póla máis baixa da figueira. Os merlos fuxiron e o tío Ramón botou unha risada. 

Xosé Neira Vilas, O Espantallo amigo. Ed. Galaxia

Finalmente vos aportamos as fichas do tema para traballar esta semana do 23 ata o 27 de marzo e non deixedes de ver os vídeos que vos van axudar a poder resolvelas correctamente.
Ánimo!!!!

 
Documental O Espantallo Amigo | Trailer from Maxina on Vimeo.

Seguidamente vos aportamos vídeos educativos sobre as aves e tamén para poder debuxar un paxariño, para rematar coa canción de Magin Blanco que podedes aprender para cando volvamos a clase.