DÍA INTERNACIONAL DA POESÍA 2022

      RECITANDO A MANUEL MARÍA COS OLLOS DE LEANDRO LAMAS

En 1ºB adicamos  a Manuel María a Semana da Poesía no Couceiro, convocada polo Equipo da Biblioteca, entre o 21 e o 25 de marzo. Tendo en conta que o PDI deste curso estamos a traballar a pintura de Leandro Lamas, pareceunos que era unha gran oportunidade vincular ao poeta co pintor, xa que este ilustrou a portada do disco "Canta o Cuco"que interpretan Uxía e Magín na casa de Manuel María.

A poesía que recitan nenos e nenas de primeiro de primaria con tanta emoción, pertence ao libro "Soños na Gaiola" que Manuel María adicou aos pequenos, inspirándolles o que é Galiza e onde está:  "En ti tes que atopala".

   

         

       

       

 "ONDE VAS?" CANTAROLAS CON LEANDRO LAMAS

 Para celebrar a Semana da Poesía, os nenos e nenas de 1°A recitan o poema "Onde vas?" 

 de Anisia Miranda, contido no libro "Cantarolas" e ilustrado por Leandro Lamas.

         

PROXECTO ILLA FANTASÍA: NOVO RETO, FACER UNHA POESÍA

Dende hai tempo estamos a traballar nunhas poesías colectivas relacionadas co mar, que fixemos en equipo tanto 1ºA como 1ºB. Quedaron xenial e decidimos poñelas no corredor  para compartilas co resto do alumnado. 

Aquí vos deixamos o resultado , onde podedes ver a creatividade do traballo das nenas e nenos. Esperamos que vos guste.

1ºB

1ºA

Tamén fomos ata a peixaría de Salvador, no Mercado, a cumprir co reto de levar as poesías e metelas nunha botella.

Non foi doado porque xa había moitas dentro, pero Salvador axudounos moito e saímos moi contentos e contentas de concluír co reto de Illa Fantasía 

1ºB

1ºA

Aquí vos deixamos uns videos para traballar as rimas e como facer poemas. Agora xa non queremos deixar de rimar.