DÍA DAS LETRAS GALEGAS 2023

Este ano 2023, o Día das Letras Galegas está adicado a Francisco Fernández del Riego, que naceu en Vilanova de Lourenzá (Lugo), o 7 de xaneiro de 1913. 

Ao longo da súa vida foi un traballador incansable, sempre destacando a súa galeguidade o que lle levou a recibir no ano 1979 o Pedrón de Ouro. Entre as moitas iniciativas que marcaron un novo tempo da man de Fernández del Riego, destaca de xeito especial a súa invención do Día das Letras Galegas. Daquela cumpríanse cen anos da primeira edición de Cantares Gallegos, o primeiro libro en galego de Rosalía de Castro, que foi quen lle deu a data do 17 de maio. A súa proposta foi adiante e xa van sesenta anos dende entón, converténdose nun acontecemento social e cultural de primeira magnitude

En 2ºB visitamos a exposición organizada polo Equipo de Normalización onde, mediante uns carteis moi interesantes, puidemos coñecer a andaina vital de Fernández del Riego desde neno ata o seu finamento en Vigo no ano 2010.

2ºB COLABORA NA CONFECCIÓN DO MAIO 2023

O Maio de 1º, 2º e 3º contou coa colaboración de nais e pais que nos axudaron a elaborar este precioso Maio. 
Cantamos e puxemos a base do "verde" que deu forma á estrutura.
Como gozamos do olor a fiúncho e de estar ao aire libre no xardín do colexio!!!
Un ano máis continuamos cumprindo coas tradicións da nosa vila!!!

              

CELEBRACIÓN DO DÍA DO LIBRO 2023 EN 2ºB

 Este ano celebramos o Día do Libro no xardín do noso colexio coa colaboración do alumnado de 6º que compartiu lecturas de contos, como madriñas e padriños lectores, cos nenos e nenas de 2ºB. 

Foi unha experiencia marabillosa que queda plasmada nestas fotos para o recordo!!!

SAÍDA AO MUSEO DE HISTORIA NATURAL E A EXPONAV

 O venres 17 de marzo os nenos e nenas de 2º A e 2º B visitamos o Museo de Historia Natural e Exponav en Ferrol. No Museo de Historia Natural puidemos ver esqueletos de animais, tanto mariños como terrestres, animais conservados en alcohol e animais disecados. En Exponav profundizamos nun dos medios de transporte que podemos empregar para viaxar, O BARCO. Aprendemos as súas partes e como se constrúen, así como tamén realizamos un obradoiro sobre nós.

Pasámolo xenial!!!