Seguidamente anotamos as actividades programadas para a semana do 18 ata o 22 de maio.
En Matemáticas faremos a segunda parte do Tema 11.
En Lingua Castelá e en Lingua, Ciencias Socias e Ciencias da Natureza, traballaremos o repaso do segundo trimestre.
Traballando Valores en tempo de confinamento, seguirá coa segunda parte de: “Autoestima”
Tamén esta semana continuaremos en Plástica con outro Taller de Experiencias para Primaria de Anaya, aprendendo como facer un Tangram.
As actividades das especialidades: Educación Física, Inglés, Francés, Música e Relixión, están dispoñibles na cabeceira do blog.
Agradecemos o esforzo que estades a facer nestes tempos tan complicados en que temos que desenvolver o noso traballo apoiándonos na vosa colaboración. É unha experiencia coa que vamos aprendendo todos e todas cada día, intentando que a ausencia das clases presenciais, non sexa un obstáculo no proceso de aprendizaxe dos nosos nenos e nenas. O noso obxectivo é que non perdan a ilusión por seguir avanzando.
Grazas polo material que estamos recibindo, pero non é necesario que mandedes todo, chega cunha selección do máis importante e por favor non mandedes os arquivos comprimidos.
Calquera dúbida ou comentario, podedes escribirnos por Abalar Móbil, ou aos nosos correos:
1ºA: primeirocicloa@gmail.com
1ºB: primeirociclob@gmail.com
Saúdos e moito ánimo!!
No hay comentarios:
Publicar un comentario